გაკვეთილებზე გამოსაყენებელი საპრეზენტაციო მასალა

1 კლასი:  paint-ი.   word-ი

5 კლასი:  wordi-ი 

6 კლასი:  excel-ი

ფორმების შექმნა

გაკვეთილის თემა	ფორმების შექმნა
სწავლების საფეხური	დაწყებითი, 6 კლასი
მოსწავლეთა პროფილი	35 მოსწავლე
გაკვეთილის მნიშვნელობა/აქტუალობა	ტექსტური რედაქტორის გამოყენებით    ფორმების შექმნა.
გაკვეთილის მიზნები/შედეგები	მოსწავლემ გამოიყენოს ტექსტური რედაქტორი და შექმნას სვადასხვა სახის ფორმები/ მოსწავლეს შეუძლია სხვადასხვა სახის ციფრული საშუალების შერჩევა და გამოყენება კომუნიკაციისა  და თანამშრომლობისათვის.
წინასწარი ცოდნა	მოსწავლეებმა იციან ტექსტურ რედაქტორში ტექსტებთან მუშაობა,  ტექსტის აკრეფა  და დაფორმატება
შეფასების საგანი, პროცედურები	მოსწავლეები შეფასდებიან განმსაზღვრელი შეფასებით.
სასწავლო მასალა და ტექნიკური რესურსები	კომპიუტერი, პროექტორი, სახელმძღვანელო, დაფა
გაკვეთილის მსვლელობა/ საკლასო მენეჯმენტი	საორგანიზაციო საკითხები. /2 წთ/  Aფაზა (გამოწვევა) /15 წთ/ მოსწავლეებს ვთხოვ იმუშაონ წყვილებში და გაეცნონ ინფორმაციას     სახელმძღვანელოდან კითხვა პასუხებით მივდივართ ახალ მენიუს- developer გამოყენებით, მის  მნიშვნელოვან ფუნქციაზე. B   ფაზა (შინაარსის რეალიზება)-15 წთ მოსწავლეებს ვთხოვ წყვილებში შეასრულონ დავალება, კერძოდ, გამოიყენონ სახელმძღვანელო და შექმნან ანკეტის ფორმა.  C  ფაზა (გამთლიანება)- 6 წთ ვიძახებ სასურველ მოსწავლეს , რომელიც პროექტორის დახმარებით იმეორებს მიცემულ დავალებას.  მასწავლებელი ახდენს დავალების  შეჯამებას, აკეთებს დასკვნებს,  ვაწყობ დებრიფინგს: რა ვისწავლეთ, რაში გამოგვადგება  ეს კომპეტენციები.  ვაძლევ  საშინაო დავალებას: შექმენით სამ კითხვიანი ტესტი სამი სავარაუდო პასუხით. ვაფასებ მოსწავლეებს წინასწარ გაცნობილი შეფასების სქემის მიხედვით.

კრიტერიუმები	1-2 ქულა	3-5 ქულა	6-8 ქულა	9-10 ქულა
ტექსტური რედაქტორის გამოყენება	ვერ იყენებს ტექსტური რედაქტორს	უჭირს ტექსტური  რედაქტორის გამოყენება	იყენებს  ტექსტური რედაქტორს სხვისი დახმარებით	სრულად იყენებს ტექსტურ რედაქტორს
აქტიურობა/ ჩართულობა	არ ისმენს და არ არის ჩართული საგაკვეთილო პროცესში	ვერ აქტიურობს,  მაგრამ სუსტად მაინც ასრულებს დავალებას კომპიუტერში	ნაწილობრივ აქტიურობს და არასრულყოფილად ასრულებს  დავალებებს	აქტიუროდ,  პასუხობს დასმულ კითხვებს და სრულყოფილად ასრულებს  მიცემულ  დავალებას

სარჩევი

გაკვეთილის  თემა	სარჩევი
სწავლების საფეხური	დაწყებითი საფეხური, VI  კლასი
მოსწავლეთა რაოდენობა	30  მოსწავლე
გაკვეთილის მნიშვნელობა/აქტუალობა	მოსწავლეები ისწავლიან სარჩევის გაკეთებას ტექსტურ რედაქტორში,  ამავე დროს გააცნობიერებენ რამდენად მოსახერხებელია სარჩევის  გამოყენება  დიდი  მოცულობის დოკუმენტებზე მუშაობის დროს.
გაკვეთილის მიზნები, შედეგები	ის ტექნ.   VI.1  აფასებს ციფრული  საშუალებების შესაძლებლობებს  და ადეკვადურად შეარჩევს ციფრული საშუალებების ცნებებს,  ობიექტებისა და პროცესების გამოსახვისას.
წინასწარი ცოდნა	მოსწავლეებმა იციან ტექსტურ რედაქტორში ტექსტებთან მუშაობა,  ტექსტის აკრეფა დადაფორმატება, აგრეთვე გრაფიკულ ელემენტებთან  მუშაობა, კომენტარის, ჰიპერბმულის, სქოლიოს გამოყენება.
შეფასება	მოსწავლეები შეფასდებიან განმსაზღვრელი შეფასებით.
ტექნიკური რესურსები	30 კომპიუტერი, პროექტორი, დაფა, სახელმძღვანელო, ინტერნეტი
გაკვეთილის  მსვლელობა	საორგანიზაციო საკითხები.(2 წთ) Aფაზა გამოწვევა:(10 წთ) პროექტორის გამოყენებით ვუჩვენებ შესავსებ ცხრილს და ვპასუხობთ კითხვებს:  რა ვიცით, რა გვინდა ვიცოდეთ, რა გავიგეთ.   B ფაზა: დავალება (25 წთ). მოსწავლეებს ვთხოვ მოიძიონ მასალა ვაჟა-ფშველას შემოქმედებიდან  და ტექსტურ რედაქტორში მოამზადონ ბროშურა.   მოსწავლეებს მუშაობისას ვუხსნი, თუ  როგორ  უნდა  მოუყარონ  თავი  ამ  მოძიებულ  მასალას. როგორ გამოიყენონ უკვე ნაცნობი ცნებები. რისთვისაც ვიყენებ პროექტორს, ტექსტურ დოკუმენტში ვაჩვენებ ნაბიჯ-ნაბიჯ  როგორ  ხდება სარჩევის გაკეთება.   C ფაზა: შეჯამება და შეფასება   (4წთ). ვავსებთ ცხრილის ბოლო სვეტს- რა გავიგეთ.  მოხდება ბავშვების განმსაზღვრელი შეფასება, დასახელდებიან  საუკეთესო მოსწავლეები

სქოლიო

       

გაკვეთილის  თემა	სქოლიო
სწავლების საფეხური	დაწყებითი საფეხური, VI  კლასი
მოსწავლეთა რაოდენობა	30 მოსწავლე
გაკვეთილის მნიშვნელობა/აქტუალობა	მოსწავლე შეძლებს ისტ საშუალებების ეფექტურად გამოყენებას, ინფორმაციის ეფექტურად ორგანიზებას.
გაკვეთილის მიზნები, შედეგები	ისტ საშუალებების ეფექტიანად გამოყენება ინფორმაციის მიღების, შენახვის და ორგანიზების დროს (ის ტექნ. V.2) გაკვეთილის გავლის შედეგად მოსწავლე:შეძლებს ტექსტურ რედაქტორში კომენტარის ჩასმას, სქოლიოს გამოყენებას
წინასწარი ცოდნა	მოსწავლეებს უნდა შეეძლოთ ტექსტურ რედაქტორში მუშაობა, დოკუმენტში სანიშნოების, ჰიპერბმულების, კომენტარის ჩასმა.
შეფასება	მოსწავლეთა ნამუშევრები შეფასდება წინასწარ შემუშავებული რუბრიკის საშუალებით. რუბრიკის კომპონენტებია: ტექსტურ რედაქტორში ტექსტის აკრეფა. სქოლიოს ჩასმა.
ტექნიკური რესურსები	30 კომპიუტერი, პროექტორი, დაფა, სახელმძღვანელო
გაკვეთილის  მსვლელობა	სორგანიზაციო საკითხები - 2 წთ        Aფაზა (გამოწვევა) – 20 წთ მასწავლებელი კლასს ყოფს 6 ჯგუფად. ჯგუფების დაყოფა ხდება მოსწავლეთა შესაძლებლობების მიხედვით. ამის შემდეგ მასწავლებელი აძლევს დავალებებს ჯგუფებს.  პირველ ოთხ ჯგუფს (პირობითად ვუწოდებთ „მწერლებს“) სთხოვს, გადაწერონ მიცემული ტექსტი, დაასრულონ მოთხრობა და მათთვის ძნელად გასაგებ სიტყვებს მოუძებნონ ახსნა და ჩასვან კომენტარები. მეხუთე ჯგუფის მონაწილეებს (მონიტორინგის ჯგუფი) ევალებათ განახორციელონ დაკვირვება და შეაფასონ ფგუფები. მეექვსე ჯგუფს მიეცათ დავალება, წაიკითხონ სახელმძღვანელოდან და გააცნობიერონ , თუ რა არის სქოლიო და როგორ გამოვიყენოთ ტექსტურ რედქტორში. B   ფაზა (შინაარსის რეალიზება)-15 წთ შესრულებული დავალებების შემდეგ მასწავლებელი მონიტორინგის ჯგუფს სთხოვს წარადგინონ შედეგები. მეექვსე ჯგუფი აკეთებს ინფორმაციას სქოლიოს შესახებ. პროექტორის საშუალებით მასწავლებელი ახდენს ამ ყველაფრის დემონსტრირებას. მასწავლებელი სთხოვს პირველ ოთხ ჯგუფს, თვიანთ ტექსტებში ჩასვან სქოლიო შესაბამის სიტყვებსა თუ წინადადებებზე. მონიტორინგი კვლავ აკვირდება და აკეთებს სიტყვიერ შეფასებას. C  ფაზა (გამთლიანება)- 6 წთ მასწავლებელი ახდენს დავალების  შეჯამებას, აკეთებს დასკვნებს, აწყობს დებრიფინგს: რა ვისწავლეთ, რაში გამოგვადგება ეს კომპეტენციები და აფასებს მოსწავლეებს.

     

სოციალური პროექტის სახელწოდება: „ეკოლოგიური პრობლემები და გარემო ჩვენს მახლობლად“

სოციალური პროექტის სახელწოდება: „ გარემო ჩვენს  მახლობლად“

პროექტის მონაწილეები: მე-6  კლასის მოსწავლეები
ვადები: 14 გაკვეთილი

პროექტის აქტუალურობის დასაბუთება, პრობლემის ანალიზი:

1. XXI საუკუნის ერთ-ერთ მნიშვნელოვან პრობლემად და გამოწვევად კვლავ რჩება ეკოლოგიური პრობლემები, რასაც ხშირ შემთხვევაში იწვევს დაბინძურებული გარემო. დაბალია პასუხისმგებლობის განცდა და მოქალაქეობრივი ცნობიერება აღნიშნულ საკითხთან დაკავშირებით, როგორც მოსწავლეებში ასევე თემში.

2. ნაკლები ჩართულობა, პასუხისმგებლობის თავიდან აცილება და დაბალი სამოქალაქო ცნობიერება იწვევს გარემოზე ნაკლებ ზრუნვას, მის დაბინძურებას და საფრთხის მომცველი კერების შექმნას ჩვენს გარშემო.

3. პროექტის განხორციელების შემთხვევაში ამაღლდება სამოქალაქო ცნობიერება მოსწავლეებსა და თემში. იზრუნებენ გარემოზე, დაიცავენ მას დაბინძურებისა და საფთხეებისგან.

პროექტის მიზანი: სამოქალაქო ცნობიერების ამაღლება მოსწავლეებსა და თემში.

მოსწავლეები შეძლებენ:

ü   დაკვირვების საფუძველზე აღწერონ ლოკალური გარემო;

ü   განასხვავონ სუფთა და დანაგვიანებული გარემო და სიტყვიერად გადმოსცენ საკუთარი განწყობა კონკრეტული გარემოს მიმართ;

ü   დაბინძურებული გარემოს შედეგად წარმოქმნილ საფრთხეებზე მოსაზრებების გამოთქმა, მსჯელობა იმის შესახებ თუ როგორ შეიძლება ავიცილოთ თავიდან გარემოს დაბინძურება;

გრძელვადიანი მიზნები:

ü   მოსწავლემ შეძლოს ძირითადი პრობლემების გადასაჭრელად თანამშრომლობა თანატოლებთან და უფროსებთან, შეძლოს გააზრებული მონაწილეობა და თანამშრომლობა სოციალური პრობლემების გადაწყვეტაში.

ü   გააცნობიერონ გარემოს დანაგვიანებით გამოწვეული საფრთხე და გამოუმუშავდეთ მზრუნველი დამოკიდებულება გარემოსადმი.

ინტეგრირებული საგნები, ბუნება,  ისტი

სტანდარეტები:

ბუნება

ბუნ.VI.2. მოსწავლეს შეუძლია დაახასიათოს ტიპობრივი  ეკოსისტემები

·                გამოყოფს ეკოსისტემებს და მათ ცალკეულ კომპონენტებს ნაცნობ გარემოში;

·                აგროვებს ინფორმაციას ლოკალური გარემოს ეკოსისტემაზე ადამიანის ზემოქმედების შესახებ, მსჯელობს შედეგებზე და ეძებს პრობლემის გადაჭრის გზებს.

ისტ-ი

ის.ტექნ.დაწყ.3 მოსწავლემ უნდა შეძლოს სხვადასხვა სახის ციფრული საშუალების შერჩევა და გამოყენება ინფორმაციის მოძიებისას და კვლევის პროცესში

·                იყენებს ისტ-ს კვლევის პროცესში იდეებისა და ინფორმაციის ორგანიზებისას;

·                ინფორმაციის სხვადასხვა ფორმატის მქონე საცავებში ძიებისას, შეარჩევს და იყენებს შესაბამის ციფრულ საშუალებებს;

·                ინფორმაციის ძიებისას ეფექტიანად იყენებს გავრცელებულ საძიებო სისტემებს. შეუძლია საძიებო სიტყვების, ფრაზებისა და მათი კომბინაციების ადეკვატურად შერჩევა და გამოყენება;

ის.ტექნ.დაწყ.4 მოსწავლემ უნდა შეძლოს სხვადასხვა სახის ციფრული საშუალების შერჩევა და გამოყენება ციფრული პროდუქტის შექმნისას

·                ციფრული ნამუშევრის/პროდუქტის შექმნისას კომბინირებულად იყენებს ტექსტურ, გრაფიკულ და აუდიო მასალას.

·                მიზნებისა და აუდიტორიის თავისებურებების გათვალისწინებით, ამზადებს პრეზენტაციას/სლაიდებს საკუთარი (ან ჯგუფის) მოსაზრებების წარმოსაჩენად ან მუშაობის შედეგის სადემონსტრაციოდ;

 მოსწავლეებს განუვითარდებათ 21-ე საუკუნის უნარები:

·                 კრიტიკული აზროვნება და პრობლემის გადაჭრის უნარი

·                  შემოქმედებითი უნარები

·                  კომუნიკაციის უნარი

·                  ინფორმაციის ზუსტად შემოქმედებითად გამოყენება მოცემულ საკითხთან თუ პრობლემასთან დაკავშირებით

პროექტის ამოცანები:

1. ეკოლოგიურ საკითხებთან დაკავშირებით ლიტერატურის, კვლევის შედეგებისა და სტატისტიკის გაცნობა, ინფორმაციის მიწოდება, თემში არსებული მდგომარეობის ადგილზე შესწავლა. ცოდნის, პასუხისმგებლობის გრძნობის, სამოქალაქო ცნობიერების ამაღლება მოსწავლეებსა და თემში.

 2. მიღებული ცოდნის პრაქტიკაში გამოყენება

მოსალოდნელი შედეგები: ამაღლდება ცოდნა საფრთხეებისა და გამოწვევების შესახებ, პასუხისმგებლობის გრძნობა. იზრუნებენ გარემოზე, მოუწოდებენ სხვებსაც დაიცვან ის.

 პროექტზე მუშაობის ვადები: ორი თვე

პროექტში მონაწილეთა გამოცდილება - მოსწავლეებმა იციან ინტერნეტში მუშაობა, მასალის მოძიება, ინფორმაციის დახარისხება. გვყავს მხატვარი მოსწავლეები, რომელთა დახმარებით დავამზადებს პოსტერს გარემოს დაცვასთან დაკავშირებით და თვალსაჩინო დაფაზე (სკოლის შემოსასვლელში) განვათავსებთ.

ამოცანების განხორციელების საჭირო საქმიანობები:

1.              საინიციატივო ჯგუფის შექმნა

აკ.წერეთლის სახელმწიფო უნივერსიტეტის ქიმიური და გარემოსდაცვითი ტექნოლოგიების დეპარტამენტთან თანამშომლობითი ურთიერთობის გამყარება. ეკოლოგიის საკითხებებზე მომუშავე სპეციალისტთან შეხვედრა, კონსულტაციები. ლიტერატურისა და ინტერნეტ მასალის მითითება.

ü   სამოქმედო გეგმის შემუშავება (ფუნქციების და დავალებების განაწილება)

ü   კონსულტანტის მიერ მითითებული ლიტერატურის დამუშავება, ინტერნეტ მასალის გაცნობა.

ü   ფლაიერების დამზადება

ü   ლექცია სემინარის დაგეგმვა

ü   დოკუმენტური ფილმის -„შავი ზღვა და მდინარეები, დაბინძურებული გარომო― ჩვენება, დისკუსია საკვანძო საკითხებზე.

2.

ü   ლექცია სემინარის ჩატარება (ესწრებიან მოსწავლეები და მოწვეული მშობლები)

ü   ფლაერების გავრცელება მოსწავლეებსა და თემში.

ü   სკოლის ეზოსა და მიმდებარე ტერიტორიის დასუფთავება მოსწავლეების, მოხალისე მშობლების მონაწილეობით, ხეების დარგვა.

ü   პროექტის მიმდინარე ეტაპების ამსახველი ფოტო მასალის პრეზენტაცია. პროექტის შეჯამება, შეფასება.

პროექტის მონიტორინგი და შეფასება:

პროექტის განხორციელებისათვის საჭირო საქმიანობები

1.საინიციატივო ჯგუფის შექმნა

2. კონსულტაციები სახელმწიფო უნივერსიტეტის ქიმიური და გარემოსდაცვითი ტექნოლოგიების დეპარტამენტის ლექტორ-მასწავლებლებთან.

3. ფლაერების დამზადება

4. მზადება სემინარისთვის.

5.ფლაერების დარიგება. სემინარის ჩატარება კონსულტანტის თანამონაწილეობით

6. პროექტის მიმდინარე ეტაპების ამსახველი ფოტო მასალით პრეზენტაციის მომზადება-დისკუსიის გამართვა.

7. სკოლის ეზოსა და მიმდებარე ტერიტორიების დასუფრთავება, ხეების დარგვა

8.პროექტის საბოლოო პრეზენტაცია

7. პროექტის ბოლოს მისაღწევი შედეგები: პროექტის დასრულების შემდეგ მოსწავლეები ფლობენ ინფორმციას, იციან მეტი ეკოლოგიური საფრთხეების, საკუთარი მოქალაქეობრივი მოვალეობის შესახებ. მონაწილეობენ გარემოს დაცვის მიზნით განხორციელებულ საქმიანობაში, მოუწოდებენ სხვებსაც იზრუნონ მასზე.

პროექტის მონიტორინგისა და შეფასების სტრატეგია:

პროექტის მსვლელობისას აწარმოონ შუალედური წერილობითი ანგარიშები, დღიურებში,დააფიქსირონ შენიშვნები , შემდეგ კი ერთმანეთს გაუზიარონ, ითანამშრომლონ ერთმანეთთან, რეკომენდაციები გაითვალისწინონ უკეთესი შედეგების მიღწევისთვის.სადისკუსიო და შემაჯამებელი კითხვების დასმა ხდება მთელი პროექტის განმავლობაში,რადგან შემოწმდეს მოსწავლის სააზროვნო უნარები და მიეცეს ანალიზი- სინთეზის გზით არგუმენტირებული პასუხების შესაძლებლობა. დიაგრამა ვიცი-მინდა ვიცოდე-ვისწავლე  მოსწავლეებს საშუალებას აძლევს საკითხით დაინტერესდნენ მანამ ,სანამ სიღრმისეულად არ შეისწავლიან მას. დღიურებიდან მოსწავლეების პასუხები და მინიშნებები გვაწვდიან ინფორმაციას, როგორ დააკავშირეს ნაშრომები პროექტის ფართო მნიშვნელობის საკითხებთან.თანასწორთა უკუკავშირის ფორმა შესაძლებლობას აძლევს მოსწავლეებს, გაითავისონ სამუშაოს ხარისხი და გააკეთონ საბოლოო შედეგის შესწორება. პროდუქტები- რუბრიკებისა და ქულებისა მინიჭების ფორმა ხელს უწყობს  მოსწავლის პროგრესს და მიღწევებს, იჩენენ ძალისხმევას,ასახავს სწავლის შედეგს. შესრულებები ხელს უწყობს არტისტული, შემოქმედებითი უნარების დემონსტრირებას. ტანდეგობის ,  ლამაზი გარეგნობისთვის ზრუნვას ამაღლებს მოტივაციასა და ჩართულობას სასწავლო პროცესში.

პროექტის განხორციელების რისკები და შესაძლო ხარვეზები და მათი თავიდან აცილების გზები:  სოციალური პროექტი სასწავლო პროექტთან შედარებით, რთული დასაგეგმი და განსახორციელებელია, რადგან სცილდება საკლასო ოთახს და აქტივობები ტარდება სკოლის გარეთაც. იმისათვის, რომ თავიდანავიცილოთ პროექტის განხორციელებასთან დაკავშირებული რისკები (ხარჯებთან დაკავშირებული პრობლემები) დახმარებას ვთხოვ მშობლებს, ბავშვთა და მოზარდთა საერთაშორისო ურთიერთობის ცენტრის და  აკაკი წერეთლის სახელობის ქიმიური და გარემოსდაცვითი ტექნოლოგიების დეპარტამენტს. მათთაან გვაქვს აქტიური თანამშრომლობითი ურთიერთობა.